şükela:  tümü | bugün soru sor
  • büyük osmanlı velilerinden. 1769 senesinde niğde'nin bor kazasında doğmuştur.
  • kuddûsî'ye öğretdi şiir tarzını bu aşk
    her kime verilirse olur aşk, dili deryâ.

    kuddûsî baba

    (bkz: kuddusi divanı)
  • su gibidir kuddusi babanın divanı, akar gider, soluksuz okunur.
  • "kalbi teşvîk idiser manzum kelâmlar lâ-cerem
    sâmi'in gönlünde 'ışk hâsıl olur görmez (elem)
    ol hemân sen 'ışka hem-dem oku şi'ri dinle hem
    gir semâ'a şevk-ıla eyle tarab gitsün sedem
    zikr-i yezdâna devam it gice gündüz ey dedem
    fursatı fevt itme zîrâ gün bu gündür dem bu dem

    gülşen-i dâr-ı fenanın 'akıbet solar güli
    ne güli kalur ne gülzârı kalur ne bülbüli
    zann ider gafil olan bakî bu 'ıyş-ı zâ'ili
    sanma 'âlimdir bu dünyâ zînetine mâ'ili
    'ilmi nâfi' itmez aña yarsa dahi bir kılı
    her kime kim 'ışkı ihsan itdi hak olur velî
    mâsivâya iltifat itmez çeker halkdan eli
    gice gündüz zikr ider mevlâsını turmaz dili
    zikr-i yezdâna devam it gice gündüz ey dedem
    fursatı fevt itme zîrâ gün bu gündür dem bu dem

    hakka giden yolların bil pek yakınıdır bu yol
    çünki tevhidi 'alîye eyledi telkîn resul
    olma zâhid gibi münkir eyle bu râha duhûl
    gör ebûcehli ki noldı itmeyüb nushı kabul
    itdi istikbâr 'azâzîl sürilüb oldı melûl '
    ilm ü a'mâlin görüb ol itdi bu râhdan 'udûl
    söz tutan sâlih olur söz tut birader sâlih ol
    rûz u şeb zikr eyle 'ışk-ı sıdk-ıla mevlâyı bul
    zikr-i yezdâna devam it gice gündüz ey dedem
    fursatı fevt itme zîrâ gün bu gündür dem bu dem

    zikr ile hâsıl olur 'ışk kalbde aña it devam
    sohbet-i nâsı koyub zikr-i hudâ it subh u şâm
    zümre-i 'uşşâk-ı hakka halk ile sohbet haram
    cümle zikrin efdali tevhîd-i hakdır ey hümâm
    bu hadísiñ kâ'ili hayrü'l-verâ fahrü'l-enâm
    zikr ile zâkir ider nûş dost elinden tolu câm
    ey gözüm nûrı 'azîzim eyle zikre ihtimâm
    zikr ile irmiş erenler heb hudâya ve's-selâm
    zikr-i yezdâna devâm it gice gündüz ey dedem
    fursatı fevt itme zîrâ gün bu gündür dem bu dem

    yok huzûr kalbimde dime çün gerek zikr-i lisân
    gaflet-ile ise dahi eyle zikri sen hemân
    it lisân-ıla devâm çün hem gelür zikr-i cenân
    pâdişâhdır kalb bedende hem lisândır tercemân
    zikri âbdestsiz de itmek câ'iz imiş bî-gümân
    bulamazsañ bir icâzet sâhibi şeyh-i cihân
    virdi kuddûsî icâzet saña zikr it her zemân
    pirimiz geylânîdir eyler seni irşâd inan
    zikr-i yezdâna devâm it gice gündüz ey dedem
    fursatı fevt itme zîrâ gün bu gündür dem bu dem"